కూటమి పాలనలోనే పేదలకు అసలైన భరోసా..

గత వైఎస్సార్సీపీ ప్రభుత్వ హయాంలో సంక్షేమం పేరుతో ప్రజలను తీవ్రంగా వంచించారని మండిపడ్డారు. గత పాలకులు పింఛన్ల పెంపు విషయంలో ప్రజలను మోసం చేస్తూ అరకొర మొత్తాలతో కాలయాపన చేశారని, ఎందరో అర్హులైన పేదల పింఛన్లను సైతం అన్యాయంగా రద్దు చేశారని విమర్శించారు. నేడు ముఖ్యమంత్రి చంద్రబాబు నాయుడు నేతృత్వంలోని కూటమి ప్రభుత్వం అధికారంలోకి రాగానే ఇచ్చిన మాటకు కట్టుబడి, పింఛను మొత్తాన్ని భారీగా పెంచి ఒకటో తేదీనే నేరుగా లబ్ధిదారుల చేతుల్లో పెడుతోందని కొనియాడారు. పేదలు, మైనారిటీల అభ్యున్నతి కోసం కూటమి ప్రభుత్వం ఎన్నో విప్లవాత్మక సంక్షేమ పథకాలను అమలు చేస్తోందని స్పష్టం చేశారు.

పేదల సంక్షేమమే కూటమి ప్రభుత్వ ధ్యేయమని, అర్హులైన ప్రతి ఒక్కరికీ సంక్షేమ ఫలాలు పారదర్శకంగా అందుతాయని పేర్కొన్నారు. ఈ కార్యక్రమంలో స్థానిక కూటమి నాయకులు, ప్రజాప్రతినిధులు, కార్యకర్తలు మరియు వార్డు ప్రజలు పెద్ద సంఖ్యలో పాల్గొన్నారు.