ప్రజాస్వామ్యాన్ని రక్షిద్దాం.. అరాచకవాదాన్ని అంతం చేద్దాం: నిర్మల్ ఎమ్మెల్యే ఏలేటి మహేశ్వర్ రెడ్డి

పాకిస్తాన్‌లో కుట్రదారులకు, ఢిల్లీలో గుంట నక్కలకు వినిపించేలా వందేమాతరం నినాదాలు మార్మోగాలని పిలుపునిచ్చారు. వర్షం పడుతుంటే శుభసూచకమని, తెలంగాణలో రాబోయేది కాషాయ జెండా అని స్పష్టం చేశారు. సునీల్ బన్సల్ ఇక్కడికి రావడమే అందుకు నిదర్శనమని పేర్కొన్నారు.

ఒడిశా, ఉత్తరప్రదేశ్, పశ్చిమ బెంగాల్‌లో కాషాయ జెండా ఎగురవేసిన సునీల్ బన్సల్ గారికి స్వాగతం పలుకుతూ, 3 కిలోమీటర్ల పాదయాత్రలో వర్షాన్ని సైతం లెక్కచేయకుండా పాల్గొన్న ప్రజలందరికీ ధన్యవాదాలు తెలిపారు.

ఢిల్లీలో నలుగురిని పోగేసుకొని కాంగ్రెస్ పార్టీ COCKROACH పార్టీగా మారి అరాచకాలు సృష్టిస్తున్న తీరును దేశ ప్రజలు గమనిస్తున్నారని విమర్శించారు.

రాహుల్ గాంధీ ఓటు చోరీ అంటూ ఆరోపణలు చేస్తున్నారని, కానీ ఆయన చేస్తున్నది పేరు చోరీ రాజకీయాలని ఎద్దేవా చేశారు. రాహుల్ గాంధీ కుటుంబ చరిత్రను ప్రస్తావిస్తూ, ఫిరంగి జహంగీర్ నుంచి రాజీవ్ గాంధీ, అక్కడి నుంచి రాహుల్ గాంధీ వరకు వచ్చిన కుటుంబ రాజకీయాలపై ప్రశ్నలు సంధించారు.

విదేశీ కుట్రలతో నేపాల్, శ్రీలంక, బంగ్లాదేశ్‌లో జరిగిన పరిణామాలను భారత్‌లోనూ సృష్టించాలని కాంగ్రెస్ ప్రయత్నిస్తోందని ఆరోపించారు. అయితే Gen-Z, Gen-Bharat అలాంటి కుట్రలను అనుమతించబోదని, యువత దేశం వైపే నిలుస్తుందని స్పష్టం చేశారు.

రేవంత్ రెడ్డి తనను తాను ముఠా మేస్త్రీగా చెప్పుకుంటారని, కానీ వాస్తవానికి ఆయన మూటల మేస్త్రీ అని విమర్శించారు. రేవంత్ రెడ్డిని ముఖ్యమంత్రిని చేసిన రాష్ట్ర ప్రజలకు అన్యాయం చేస్తూ, ఢిల్లీలో మూటలు మోస్తున్నారని మండిపడ్డారు.

రాహుల్ గాంధీ చుట్టూ ప్రదక్షిణలు చేయడం ఆపి, రాష్ట్ర ప్రజల కోసం పనిచేయాలని రేవంత్ రెడ్డికి సూచించారు.

కాంగ్రెస్ ప్రభుత్వం ఇచ్చిన ఆరు గ్యారంటీలపై ప్రశ్నిస్తూ, ప్రజలకు ఇచ్చిన హామీలను నెరవేర్చడంలో పూర్తిగా విఫలమైందని విమర్శించారు. రూ.4,000 పెన్షన్ ఇవ్వలేదు, యువతకు ఉద్యోగాలు కల్పించలేదు, విద్యార్థులకు Fee Reimbursement చెల్లించలేదు, రైతులకు రైతు భరోసా అందించలేదు. అన్ని వర్గాల ప్రజలకు అన్యాయం చేస్తూ, వారి సమస్యలను పక్కనపెట్టి ఢిల్లీలో రాజకీయాలు చేస్తున్నారని మండిపడ్డారు.

అన్ని వర్గాల ప్రజలకు అన్యాయం చేస్తూ, వారి సమస్యలను పక్కనపెట్టి ఢిల్లీలో రాజకీయాలు చేస్తున్నారని విమర్శించారు.

నరేంద్ర మోదీ కోట్లాది ప్రజల గుండెల్లోంచి పుట్టిన నాయకుడని, పది బొద్దింకలు ఆయనను ఏమీ చేయలేవని ధీమా వ్యక్తం చేశారు.

ఓటు చోరీ అంటూ ఆరోపణలు చేస్తున్న రాహుల్ గాంధీ, ఇప్పటివరకు ఎన్ని ఓట్లు తొలగించబడ్డాయో ఆధారాలతో చెప్పగలరా అని ప్రశ్నించారు. బంగ్లాదేశ్ చొరబాటుదారులు, రోహింగ్యాల పేరుతో 3 కోట్ల ఓట్ల కోసం కాంగ్రెస్ చేస్తున్న తపన, తాపత్రయం ఏమిటని నిలదీశారు.

ఓట్లతోనే గెలిచామని చెప్పుకుంటున్న కాంగ్రెస్ నేతలు, తమ గ్రామాల్లో ఒక్క ఓటైనా తొలగించబడిందా అని ప్రజలను అడగాలని అన్నారు.

కేరళలో, తమిళనాడులో కాంగ్రెస్, ఇతర పార్టీలు ఎలా గెలిచాయి? రేవంత్ రెడ్డి ఎలా గెలిచారు? అని ప్రశ్నించారు.
ఎన్నికల సంఘంపై నమ్మకం లేదని చెప్పే రేవంత్ రెడ్డి, ముఖ్యమంత్రి పదవికి రాజీనామా చేసి మళ్లీ ఎన్నికలకు రావాలని సవాల్ విసిరారు.

ప్రజాస్వామ్యాన్ని కాపాడేందుకు, కాంగ్రెస్ అరాచకవాదాన్ని అంతం చేసేందుకు బీజేపీ పోరాటం నిరంతరం కొనసాగుతుందని ఏలేటి మహేశ్వర్ రెడ్డి స్పష్టం చేశారు.