పేద విద్యార్థులకు కార్పొరేట్ స్థాయి విద్య అందించడమే ప్రజా ప్రభుత్వం లక్ష్యం: మంత్రివర్యులు పొన్నం ప్రభాకర్

తన రాజకీయ ప్రస్థానం విద్యార్థి నాయకుడిగా ప్రారంభమైందని తెలిపారు. పేద ప్రజలకు అందించగలిగే అత్యంత విలువైన సంపద విద్యేనని ముఖ్యమంత్రి రేవంత్ రెడ్డి భావిస్తున్నారని పేర్కొన్నారు. ఇటీవల నిర్వహించిన కులగణనలోనూ విద్య ద్వారా ప్రజల జీవన ప్రమాణాలు మెరుగుపడుతున్న విషయం స్పష్టమైందని తెలిపారు.

జిల్లా కలెక్టర్ బి. సత్యప్రసాద్ విద్య ద్వారా ఉన్నత స్థాయికి ఎదిగారని, గురుకుల విద్యాసంస్థల్లో చదువుకున్న ఎంతోమంది నేడు వివిధ రంగాల్లో ఉన్నత స్థానాల్లో ఉన్నారని పేర్కొన్నారు. గత ప్రభుత్వ హయాంలో గురుకులాలకు సొంత భవనాలు లేక విద్యార్థులు ఇబ్బందులు ఎదుర్కొన్నారని, రాష్ట్రంలోని 326 మహాత్మా జ్యోతిబా పూలే గురుకుల పాఠశాలల్లో కేవలం 26 పాఠశాలలకు మాత్రమే సొంత భవనాలు ఉన్నాయని తెలిపారు.

ప్రస్తుత ప్రభుత్వం ఆధునిక సాంకేతికతను వినియోగిస్తూ ఒకే ప్రాంగణంలో నాలుగు గురుకుల విద్యాసంస్థలకు అవసరమైన భవనాలను నిర్మించేలా చర్యలు చేపట్టిందన్నారు. ఎస్సీ, ఎస్టీ, బీసీ, మైనారిటీ వర్గాలకు చెందిన విద్యార్థులందరూ ఒకే చోట విద్యనభ్యసించేలా ఇంటిగ్రేటెడ్ స్కూళ్లను నిర్మిస్తున్నట్లు తెలిపారు.

వచ్చే విద్యా సంవత్సరం నాటికి కనీసం 10 ఇంటిగ్రేటెడ్ స్కూళ్లలో తరగతులు ప్రారంభించేలా ప్రభుత్వం కృషి చేస్తోందన్నారు. విద్యార్థులకు నాణ్యమైన విద్యతో పాటు మెరుగైన భోజనం, పుస్తకాలు, యూనిఫాంలు అందించేందుకు చర్యలు తీసుకుంటున్నామని తెలిపారు.

గురుకుల విద్యార్థుల డైట్ ఛార్జీలను 40 శాతం, కాస్మోటిక్ ఛార్జీలను 200 శాతం పెంచినట్లు పేర్కొన్నారు. గురుకులాలకు సంబంధించిన బిల్లులను గ్రీన్ ఛానల్ ద్వారా క్రమం తప్పకుండా చెల్లించేలా చర్యలు తీసుకున్నామని తెలిపారు.

ప్రజా ప్రభుత్వం సంక్షేమం, అభివృద్ధిని సమన్వయం చేస్తూ ముందుకు సాగుతోందని మంత్రి పొన్నం ప్రభాకర్ తెలిపారు. కొత్త రేషన్ కార్డుల మంజూరు, రైతులకు రుణమాఫీ, రైతు భరోసా పెట్టుబడి సాయం పెంపు, మహిళలకు ఉచిత బస్సు ప్రయాణం, 200 యూనిట్ల వరకు ఉచిత విద్యుత్, ఆరోగ్యశ్రీ పరిమితి పెంపు, షాదీ ముబారక్, కల్యాణలక్ష్మి వంటి పథకాలను అమలు చేస్తున్నట్లు వివరించారు.

25 లక్షల మంది రైతులకు రూ.20 వేల కోట్ల మేర రుణమాఫీ చేశామని, రైతు భరోసా పెట్టుబడి సాయాన్ని ఎకరానికి రూ.10 వేల నుంచి రూ.12 వేలకు పెంచామని తెలిపారు. సన్న వడ్లకు క్వింటాల్‌కు రూ.500 బోనస్ అందిస్తున్నామని, యువతకు ఉపాధి అవకాశాలు కల్పించే దిశగా 75 వేల ఉద్యోగాల నియామకాలు పూర్తి చేసినట్లు పేర్కొన్నారు.

పసిఫిక్ మహా సముద్రంలో ఉష్ణోగ్రతలు పెరగడం వల్ల సూపర్ ఎల్‌నినో పరిస్థితులు ఏర్పడ్డాయని, రాష్ట్రంలో కరువును ఎదుర్కొనేందుకు అందరూ సమష్టిగా కృషి చేయాలని మంత్రి పిలుపునిచ్చారు. ప్రకృతి పరిస్థితులను రాజకీయాలకు ముడిపెట్టి విమర్శలు చేయడం సరికాదన్నారు.

గతంలో కొండగట్టు బస్సు ప్రమాదం, కరోనా వంటి సంక్షోభాలు ఎదురైనప్పుడు తాము అప్పటి ప్రభుత్వాన్ని నిందించలేదని పేర్కొన్నారు. ప్రస్తుత పరిస్థితుల్లో రైతులు, ప్రజల ప్రయోజనాలను దృష్టిలో ఉంచుకుని ప్రతి ఒక్కరూ బాధ్యతగా వ్యవహరించాలని సూచించారు.

కరువు పరిస్థితులను ఎదుర్కొనేందుకు ప్రభుత్వం తెలంగాణ జలసిరి కార్యక్రమాన్ని ప్రారంభించిందని తెలిపారు. ప్రతి గ్రామంలో నీటి నిల్వలను పెంచేందుకు కుంటలు, వ్యవసాయ భూముల వద్ద పంట కుంటల ఏర్పాటుకు చర్యలు తీసుకుంటూ భూగర్భ జలాల పెంపునకు కృషి చేస్తున్నట్లు వివరించారు.

రాష్ట్రంలోని ప్రతి నియోజకవర్గంలో విద్యారంగానికి భారీ స్థాయిలో మౌలిక సదుపాయాలు కల్పించాలనే లక్ష్యంతో ముఖ్యమంత్రి రేవంత్ రెడ్డి, ఉప ముఖ్యమంత్రి మల్లు భట్టి విక్రమార్క ముందుకు సాగుతున్నారని తెలిపారు.

జగిత్యాలలో ఇటీవల కేంద్రీయ విద్యాలయం ఏర్పాటుకు చర్యలు చేపట్టినట్లు పేర్కొన్నారు. తాటిపల్లిలో నిర్మించనున్న ఇంటిగ్రేటెడ్ స్కూల్‌ను 18 నెలల్లో పూర్తి చేసేలా చర్యలు తీసుకుంటామని తెలిపారు.

గతంలో గురుకులాలకు సొంత భవనాలు, నాణ్యమైన ఆహారం వంటి సదుపాయాల కల్పనకు తగిన ప్రాధాన్యం ఇవ్వలేదని పేర్కొంటూ, ప్రస్తుత ప్రభుత్వం విద్యార్థుల అవసరాలకు అనుగుణంగా మెరుగైన వసతులు కల్పిస్తోందన్నారు. డైట్ ఛార్జీలు, కాస్మోటిక్ ఛార్జీల పెంపుతో పాటు నాణ్యమైన భోజనం, పుస్తకాలు, యూనిఫాంలు అందిస్తున్నట్లు తెలిపారు.

సూపర్ ఎల్‌నినో ప్రభావంతో కరువు పరిస్థితుల నేపథ్యంలో నీటి సంరక్షణకు అందరూ ప్రాధాన్యత ఇవ్వాలని సూచించారు. ప్రాజెక్టుల్లో నీటి నిల్వలు తగ్గడం, భూగర్భ జలాలు పడిపోవడం వంటి పరిస్థితులను దృష్టిలో ఉంచుకుని ముఖ్యమంత్రి సూచనల మేరకు అధికారులు, ప్రజాప్రతినిధులు సమన్వయంతో పనిచేయాలని కోరారు. సూపర్ ఎల్‌నినోను రాజకీయాలకు అతీతంగా ఎదుర్కొని ప్రజలకు అండగా నిలవాలని పిలుపునిచ్చారు.

ధర్మపురి బస్ డిపోను కోరిన వెంటనే మంజూరు చేసిన మంత్రి పొన్నం ప్రభాకర్‌ కు కృతజ్ఞతలు తెలిపారు. హిందూ, ముస్లిం, క్రైస్తవ మత పెద్దల ద్వారా ఇంటిగ్రేటెడ్ స్కూల్ నిర్మాణానికి శంకుస్థాపన చేయడం సామాజిక ఐక్యతకు ప్రతీకగా నిలుస్తుందని పేర్కొన్నారు.

ఇందిరమ్మ రాజ్యంలో ఎస్సీ, ఎస్టీ, బీసీ, మైనారిటీ వర్గాలకు చెందిన పేద విద్యార్థులకు కార్పొరేట్ స్థాయి విద్యను అందించడమే లక్ష్యంగా ముఖ్యమంత్రి రేవంత్ రెడ్డి నాయకత్వంలో ప్రభుత్వం ముందుకు సాగుతోందని తెలిపారు.

తాటిపల్లిలో 25 ఎకరాల విస్తీర్ణంలో సుమారు 2,600 మంది విద్యార్థులకు ఉపయోగపడేలా ఏడు లక్షల చదరపు అడుగుల విస్తీర్ణంలో భవన నిర్మాణ పనులు చేపడుతున్నట్లు పేర్కొన్నారు. మారుతున్న కాలానికి అనుగుణంగా విద్యావ్యవస్థలో అవసరమైన మార్పులు తీసుకువస్తూ ముఖ్యమంత్రి స్వయంగా విద్యారంగ అభివృద్ధిపై పర్యవేక్షణ చేస్తున్నారని తెలిపారు.

గురుకుల విద్యార్థులకు డైట్ ఛార్జీలు 40 శాతం, కాస్మోటిక్ ఛార్జీలు 200 శాతం పెంచడంతో పాటు నాణ్యమైన సదుపాయాలు కల్పిస్తున్నట్లు పేర్కొన్నారు. యువతకు ఉపాధి అవకాశాలు మెరుగుపరిచేందుకు నైపుణ్య శిక్షణ అందించే కార్యక్రమాలు చేపడుతున్నట్లు తెలిపారు.

గత ప్రభుత్వం రాష్ట్రంపై సుమారు రూ.8.12 లక్షల కోట్ల అప్పుల భారం మోపిందని, ప్రస్తుతం వడ్డీ చెల్లింపుల భారం అధికంగా ఉందని పేర్కొన్నారు. అయినప్పటికీ ప్రభుత్వం సంక్షేమ పథకాలను కొనసాగిస్తూ కొత్త రేషన్ కార్డుల మంజూరు, రైతులకు రుణమాఫీ, ఉచిత బస్సు ప్రయాణం, ఉచిత విద్యుత్ వంటి కార్యక్రమాలను అమలు చేస్తోందన్నారు.

ముఖ్యమంత్రి, మంత్రుల సహకారంతో జగిత్యాల జిల్లాలో అభివృద్ధి పనులు కొనసాగుతున్నాయని తెలిపారు. విద్య, సంక్షేమం, అభివృద్ధి సమాంతరంగా సాగినప్పుడే సమాజంలో సమగ్ర పురోగతి సాధ్యమవుతుందని పేర్కొన్నారు.

తాటిపల్లిలో రూ.200 కోట్ల వ్యయంతో నిర్మించనున్న ఇంటిగ్రేటెడ్ స్కూల్‌లో 6వ తరగతి నుంచి ఇంటర్మీడియట్ వరకు సుమారు 2,600 మంది విద్యార్థులకు విద్యనందించేలా ప్రణాళిక రూపొందించినట్లు తెలిపారు.

నిర్మాణ పనులను 18 నెలల్లో పూర్తి చేసేలా సంబంధిత అధికారులు సమన్వయంతో పనిచేయాలని ఆదేశించారు. పనుల్లో నాణ్యత పాటిస్తూ నిర్దేశిత గడువులోగా పూర్తి చేయాలని సూచించారు.
జిల్లాలో విద్యారంగ మౌలిక సదుపాయాల కల్పనకు ప్రభుత్వం ప్రత్యేక ప్రాధాన్యత ఇస్తోందని తెలిపారు.

ప్రతి నియోజకవర్గంలో రూ.10 కోట్లతో తెలంగాణ పబ్లిక్ స్కూల్ ఏర్పాటుకు చర్యలు చేపట్టగా, జిల్లాలో మొత్తం రూ.40 కోట్లతో పాఠశాలల ఏర్పాటుకు నిధులు మంజూరయ్యాయని పేర్కొన్నారు.

రూ.50 కోట్ల వ్యయంతో కేంద్రీయ విద్యాలయ భవన నిర్మాణ పనులు ప్రారంభమయ్యాయని, కోరుట్లలో రూ.45 కోట్ల వ్యయంతో జవహర్ నవోదయ విద్యాలయ నిర్మాణ పనులు కూడా ప్రారంభమైనట్లు వివరించారు. ధర్మపురిలో యంగ్ ఇండియా కార్యక్రమం కింద పనులు కొనసాగుతున్నాయని తెలిపారు.

గత రెండేళ్లలో జగిత్యాల జిల్లాలో విద్యారంగ మౌలిక సదుపాయాల కల్పనకు సుమారు రూ.500 కోట్ల విలువైన పనులు జరుగుతున్నాయని పేర్కొన్నారు. ఈ నిర్మాణాలు పూర్తయితే జిల్లాలో విద్యారంగానికి మరింత బలం చేకూరుతుందని, అన్ని విద్యా సంస్థల పనులను నిర్దేశిత గడువులోగా పూర్తి చేసేలా చర్యలు తీసుకుంటామని తెలిపారు.

జగిత్యాల అభివృద్ధి కోసం ముఖ్యమంత్రి రేవంత్ రెడ్డిని కలిసి విజ్ఞప్తి చేసిన నేపథ్యంలో రూ.200 కోట్లతో యంగ్ ఇండియా ఇంటిగ్రేటెడ్ స్కూల్ మంజూరు చేయడం పట్ల కృతజ్ఞతలు తెలిపారు.

విద్య ద్వారానే సమాజంలో అభివృద్ధి సాధ్యమవుతుందని, తెలంగాణ రైజింగ్ విధానం ద్వారా విద్యారంగంలో సమూల మార్పులు తీసుకురావడానికి ప్రభుత్వం కృషి చేస్తోందని పేర్కొన్నారు.

ఇంటిగ్రేటెడ్ స్కూల్ సామాజిక ఐక్యతకు ప్రతీకగా నిలుస్తుందని తెలిపారు. వివిధ సామాజిక వర్గాలకు చెందిన సుమారు 2,600 మంది విద్యార్థులు ఒకే ప్రాంగణంలో ఆధునిక తరగతి గదులు, క్రీడా మైదానాలు, గ్రంథాలయం తదితర సదుపాయాలతో విద్యనభ్యసించే అవకాశం కలుగుతుందని వివరించారు.

బీసీ గురుకుల జూనియర్ కళాశాలను సందర్శించినప్పుడు డైట్ ఛార్జీల పెంపుతో విద్యార్థులకు నాణ్యమైన భోజనం అందుతున్నట్లు గమనించానని తెలిపారు. ఆధునిక సాంకేతికతను వినియోగించి ఇంటిగ్రేటెడ్ స్కూల్ నిర్మాణాన్ని త్వరితగతిన పూర్తి చేసేందుకు ప్రభుత్వం చర్యలు తీసుకుంటోందన్నారు.

ఈ కార్యక్రమంలో అదనపు కలెక్టర్ (రెవెన్యూ) ఎన్. ప్రసన్నాంబ, మున్సిపల్ చైర్‌పర్సన్ సమిండ్ల వాణి, గ్రంథాలయ సంస్థ చైర్మన్ దినేష్, మార్కెట్ కమిటీ చైర్మన్లు,నారాయణ రెడ్డి , సర్పంచులు, ఉప సర్పంచులు, కౌన్సిలర్లు, స్థానిక ప్రజాప్రతినిధులు, సంబంధిత అధికారులు తదితరులు పాల్గొన్నారు.