నరసరావుపేట/పల్నాడు జిల్లా(రైట్స్ మీడియా): నరసరావుపేట నియోజకవర్గంలో ఎంపీటీసీ, జెడ్పీటీసీ ఎన్నికల నామినేషన్ల నేపథ్యంలో తెలుగుదేశం పార్టీ శ్రేణుల్లో సందడి నెలకొంది. ఎమ్మెల్యే డాక్టర్ చదలవాడ అరవింద బాబు నాయకత్వంలో పార్టీ నాయకులు, కార్యకర్తలు ఉత్సాహంగా నామినేషన్ కార్యక్రమాల్లో పాల్గొన్నారు. నామినేషన్ల దాఖలు ముగింపు సందర్భంగా నియోజకవర్గంలోని పలు ప్రాంతాల్లో ర్యాలీలు, పార్టీ శ్రేణుల సందడితో రాజకీయ వాతావరణం వేడెక్కింది.
నరసరావుపేట నియోజకవర్గంలో గత రెండు దశాబ్దాలుగా, రొంపిచర్ల మండలంలో గత నాలుగు దశాబ్దాలుగా కొనసాగిన రాజకీయ పరిస్థితుల్లో మార్పు తీసుకువచ్చిన నాయకుడిగా డాక్టర్ చదలవాడ అరవింద బాబును టీడీపీ శ్రేణులు అభివర్ణించాయి. ఆయన నాయకత్వంలో పార్టీ మరింత బలోపేతమవుతోందని నాయకులు పేర్కొన్నారు. రాబోయే స్థానిక సంస్థల ఎన్నికల్లో ప్రజాసేవ, సంక్షేమం, అభివృద్ధి అంశాలతో ప్రజల్లోకి వెళ్తామని తెలిపారు.
