పాఠశాల దశ నుండే విద్యార్థులు జీవిత లక్ష్యాలను నిర్దేశించుకోవాలి

ప్రొఫెసర్ జయశంకర్ సార్ గ్రామాన్ని మోడల్ గ్రామంగా అభివృద్ధి చేసే ప్రణాళికలో భాగంగా వివిధ శాఖల ద్వారా అభివృద్ధి పనులను చేపట్టనున్నట్లు పేర్కొన్నారు. గ్రామంలో చేపట్టే ప్రతిపాదిత అభివృద్ధి పనులకు సంబంధించిన డీపీఆర్ లను త్వరగా అందజేయాలని సంబంధిత శాఖల అధికారులను కలెక్టర్ ఆదేశించారు.

గ్రామంలో పారిశుద్ధ్య నిర్వహణ సరిగ్గా నిర్వహించాలన్నారు. గ్రామంలో తాగునీటి సమస్యలు తలెత్తకుండా తగిన చర్యలు తీసుకోవాలని అధికారులను ఆదేశించారు.

జిల్లా పరిషత్ సెకండరీ పాఠశాలను సందర్శించి పాఠశాలలో విద్యార్థుల సంఖ్య, ఉపాధ్యాయుల వివరాలను కలెక్టర్ అడిగి తెలుసుకున్నారు.

పదో తరగతి విద్యార్థులతో మాట్లాడి వారి భవిష్యత్తు లక్ష్యాల గురించి ఆరా తీశారు. పాఠశాలలో మాక్ టెస్టులు నిర్వహిస్తున్నారా లేదా అని ఉపాధ్యాయులను కలెక్టర్ అడిగి తెలుసుకున్నారు. అదేవిధంగా పిఎంశ్రీ ప్రాథమిక పాఠశాలను, అంగన్వాడి కేంద్రాన్ని సందర్శించి ఎంతమంది విద్యార్థులు వస్తున్నారని ఆరా తీశారు. విద్యార్థులకు వండిన మధ్యాహ్న భోజనాన్ని కలెక్టర్ తనిఖీ చేశారు. తాగునీటి సదుపాయాలను అడిగి తెలుసుకున్నారు.

పాఠశాల దశ నుండే విద్యార్థులు జీవిత లక్ష్యాలను నిర్దేశించుకోవాలని సూచించారు. విద్యార్థి దశ నుండే జీవితంలో సాధించాలనుకున్న లక్ష్యాలను నిర్దేశించుకోవాలని సూచించారు. విద్యార్థులు తమ ఆసక్తి, అభిరుచులకు అనుగుణంగా కెరీర్‌ను ఎంచుకోవాలని తెలిపారు. పాఠశాల విద్యా ప్రమాణాలు మరింత మెరుగుపడి, మంచి ఫలితాలు సాధించేలా కృషి చేయాలని ఉపాధ్యాయులకు సూచించారు. పాఠశాల విజయాల గ్రాఫ్ పెరగడంతో పాటు అక్కంపేట గ్రామానికి ఉన్న చరిత్రను విద్యార్థులు నిలబెట్టాలని ఆకాంక్షించారు. పాఠశాల ప్రాంగణంలో కిచెన్ గార్డెన్ ఏర్పాటు చేసి అన్ని రకాల కూరగాయలను పండించాలని సూచించారు.

ఈ సందర్భంగా తహసీల్దార్ జగన్మోహన్ రెడ్డి, ఎంపీడీవో శ్రీనివాస్ రెడ్డి, ఎంఈఓ విజయ్ కుమార్, మండల వ్యవసాయ అధికారి యాదగిరి, పంచాయతీ రాజ్ ఏఈ బాబురావు, ఆర్డబ్ల్యూఎస్ ఏఈ రంజిత్ కుమార్, ఏఈఈ సుదర్శన్, ఏపీవో రాజిరెడ్డి, ఇతర శాఖల అధికారులు, స్థానికులు పాల్గొన్నారు.