జీడబ్ల్యూఎంసీ, అక్టోబర్ 31(రైట్స్ మీడియా): ప్రతి ఉద్యోగికి పదవీ విరమణ సహజమని, అయితే విధి నిర్వహణలో అంకితభావంతో అందించిన సేవలు, సంస్థ అభివృద్ధికి చేసిన కృషి ఎప్పటికీ గుర్తుండిపోతాయని జీడబ్ల్యూఎంసీ కమిషనర్ టి. వెంకన్న అన్నారు.
శనివారం బల్దియా ప్రధాన కార్యాలయంలోని కౌన్సిల్ హాల్‌లో పదవీ విరమణ పొందిన అదనపు కమిషనర్ ఇసాంపల్లి జోనా, పారిశుద్ధ్య కార్మికుడు కుమార్‌లకు జిడబ్ల్యూ ఎంసి, జె ఏ సి సంయుక్త ఆధ్వర్యంలో ఘనంగా వీడ్కోలు, సన్మాన కార్యక్రమం నిర్వహించారు. ఈ సందర్భంగా కమిషనర్, అధికారులు, సిబ్బంది వారిని శాలువాలతో సత్కరించి జ్ఞాపికలను అందజేశారు.
