జాతీయ స్థాయిలో వరంగల్ కు అవార్డు దక్కడం గర్వకారణం: కుడా ఛైర్ పర్సన్ గుండు సుధారాణి

ఒడిశా రాష్ట్రం భువనేశ్వర్‌లో శనివారం కేంద్ర గృహనిర్మాణ, పట్టణ వ్యవహారాల మంత్రిత్వ శాఖ నిర్వహించిన జాతీయ స్థాయి అర్బన్ కాన్‌క్లేవ్‌లో నాన్‌ మోటరైజ్డ్‌ ట్రాన్స్‌పోర్ట్‌ విభాగంలో వరంగల్ నగరానికి అవార్డు రావడం చాలా సంతోషంగా ఉందన్నారు.

ఈ విభాగంలో దేశవ్యాప్తంగా నిర్వహించిన పోటీలో వరంగల్, చెన్నై నగరాలకు రావడం గొప్పవిషయం అన్నారు. ఈ అవార్డు వరంగల్‌ కాకతీయ పట్టణాభివృద్ధి సంస్థ (కుడా)కు లభించడం చాలా సంతోషంగా ఉందన్నారు.

వరంగల్ నగరానికి జాతీయ స్థాయిలో గుర్తింపు తీసుకువచ్చినందుకు అధికారులకు ధన్యవాదాలు తెలిపారు.

ఈ అవార్డు వరంగల్‌ నగరంలో పర్యావరణహిత పట్టణాభివృద్ధికి మరింత ప్రోత్సాహాన్నిస్తుందని కుడా ఛైర్ పర్సన్ గుండు సుధారాణి పేర్కొన్నారు.

స్మార్ట్ సిటీ లో భాగంగా...గతం లో రెండు కోట్ల రూపాయల నిధులతో నగరం లో సైకిల్ ట్రాక్ నిర్మించినట్టు ఈ సందర్బంగా కుడా చైర్ పర్సన్ గుండు సుధారాణి గుర్తు చేసారు.

నగర అభివృద్ధి కి తమ వంతు బాధ్యత గా ఎల్లప్పుడూ కృషి చేస్తానన్నారు

ఈ కార్యక్రమంలో కుడా ఈఈ భీమ్ రావు, ఇతర అధికారులు పాల్గొన్నారు.