బాల్ దివస్ తో భవిష్యత్తు భారతావనికి పునాది రాళ్లను వేయవచ్చు

బాల్ దివస్ పక్షోత్సవాలను బాలల హక్కులపై అవగాహన, నైపుణ్యాల వెలికితీత, ఆరోగ్యం మరియు పోషణ లక్ష్యాలుగా 15 రోజులపాటు ప్రణాళికబద్ధంగా సాంస్కృతిక, సాహిత్య, సృజనాత్మక మరియు క్రీడా పోటీలు నిర్వహించడం జరుగుతుందని, సంబంధిత అధికారులు తప్పనిసరిగా విజయవంతం చేయాలని తెలిపారు.

పక్షోత్సవాల ప్రత్యేక కార్యక్రమాల్లో భాగంగా బాలల సభ/బాలల పార్లమెంట్, బాలల ఆనందోత్సవాలు/బాలల జాతర లతో పాటు, వ్యాసరచన, చిత్ర లేఖన, ఆటల పోటీలు మరియు పక్షోత్సవాల చివరి అంకంగా వివిధ పోటీల్లో విజేతలైన విద్యార్థులకు అవార్డులు, ప్రశంస పత్రాలను అందజేయడం ద్వారా వారిని ప్రోత్సహించి భవిష్యత్తులో గొప్ప వ్యక్తులుగా తీర్చిదిద్దే క్రమంలో నిర్మాణాత్మక కార్యక్రమాలను చేపట్టడం బాల దివస్ పక్షోత్సవాల ముఖ్య ఉద్దేశమని పేర్కొన్నారు.

ఈ కార్యక్రమంలో జిల్లా పౌరసంబంధాల అధికారి రాజేంద్ర ప్రసాద్, జిల్లా సైన్స్ అధికారి అప్పారావు, సీనియర్ న్యాయవాది కొండబత్తుల యాదగిరి, సామాజిక వేత్త మూలగుండ్ల వెంకన్న, విద్యాశాఖ ప్లానింగ్ కోఆర్డినేటర్ పూర్ణచందర్, కోఆర్డినేటర్ శేషు తదితరులు పాల్గొన్నారు.