గ్రామాలలో పారదర్శకంగా భూముల రీసర్వే: హనుమకొండ జిల్లా అదనపు కలెక్టర్ ఎన్.రవి

ప్రభుత్వం చేపట్టిన భూ రీ సర్వే అవకాశాన్ని రైతులు, ప్రజలు సద్వినియోగం చేసుకోవాలని సూచించారు. భూములకు సంబంధించి ఎలాంటి వివాదాలకు తావులేకుండా భూముల రీ సర్వే జరుగుతుందన్నారు. భూముల రీ సర్వే చేపడుతుండగా గ్రామ రైతులు, స్థానిక ప్రజా ప్రతినిధులు సర్వేయర్లకు సహకరించాలని కోరారు.

ఈ కార్యక్రమంలో గ్రామ సర్పంచ్ తాళ్లపల్లి వెంకటేశ్వర్లు, భూములు కొలతలు శాఖ ఏడీ నూర్ సింగ్, తహసిల్దార్ కిరణ్ కుమార్, డీఐ సారంగపాణి, ఇతర అధికారులు, వార్డు సభ్యులు, రైతులు, స్థానికులు పాల్గొన్నారు.

జయగిరి శివారులో ఉన్న మహాత్మా జ్యోతిబాపూలే తెలంగాణ వెనుకబడిన తరగతుల సంక్షేమ బాలుర గురుకుల పాఠశాల, కళాశాలను హనుమకొండ జిల్లా అదనపు కలెక్టర్ ఎన్. రవి తనిఖీ చేశారు. ఎంతమంది విద్యార్థులు ఉన్నారని, మౌలిక వసతులను గురించి అదనపు కలెక్టర్ అడిగి తెలుసుకున్నారు. వంటగదిని సందర్శించి కూరగాయలు, ఇతర నిత్యావసరాలను అదనపు కలెక్టర్ పరిశీలించారు. ఈ సందర్భంగా ఉపాధ్యాయులతో మాట్లాడారు. విద్యార్థులకు ఎలాంటి ఇబ్బందులు తలెత్తకుండా వసతులు ఉండాలని తెలియజేశారు.

ఈ సందర్భంగా తహసీల్దార్ కిరణ్ కుమార్, గురుకుల పాఠశాల, కళాశాల ఉపాధ్యాయులు, తదితరులు పాల్గొన్నారు.