అర్హత కలిగిన ప్రతి గ్రాడ్యుయేట్ ఓటరుగా నమోదు చేసుకోవాలి

భారత ఎన్నికల సంఘం విడుదల చేసిన షెడ్యూల్ ప్రకారం, 2027 మార్చిలో జరగనున్న వరంగల్–ఖమ్మం–నల్గొండ గ్రాడ్యుయేట్ ఎమ్మెల్సీ ఎన్నికల కోసం కొత్త ఓటర్ల జాబితా రూపొందించే ప్రక్రియ సెప్టెంబర్ 28, 2026 నుంచి ప్రారంభమవుతుందని వారు తెలిపారు. అర్హత కలిగిన ప్రతి గ్రాడ్యుయేట్ ఈ అవకాశాన్ని సద్వినియోగం చేసుకుని ఓటరుగా నమోదు చేసుకోవడం ద్వారా ప్రజాస్వామ్య హక్కును వినియోగించుకోవాలని కోరారు.

➤మళ్లీ దరఖాస్తు తప్పనిసరి: ఇప్పటికే గ్రాడ్యుయేట్ ఎమ్మెల్సీ ఓటర్ల జాబితాలో పేరు ఉన్నవారు కూడా కొత్త ఫారం–18 ద్వారా మళ్లీ దరఖాస్తు చేసుకోవాల్సి ఉంటుంది.

➤జతచేయాల్సిన పత్రాలు: దరఖాస్తుతో పాటు విద్యార్హతకు సంబంధించిన ధృవపత్రాలు, అవసరమైన సర్టిఫికెట్ల ధృవీకరించిన ప్రతులను (Attested Copies) తప్పనిసరిగా జత చేయాలి.

పాలకుర్తి నియోజకవర్గంలోని ప్రతి అర్హులైన గ్రాడ్యుయేట్ ఈ నమోదు ప్రక్రియను గమనించి, గడువులోగా తమ పేరును ఓటర్ల జాబితాలో నమోదు చేసుకోవాలని ఎమ్మెల్యే మామిడాల యశస్విని రెడ్డి, టీపీసీసీ వైస్ ప్రెసిడెంట్ హనుమాండ్ల ఝాన్సీ రాజేందర్ రెడ్డి విజ్ఞప్తి చేశారు.