డ్రగ్స్ నియంత్రణలో తెలంగాణ ఈగల్ ఫోర్స్ కు జాతీయ అవార్డు: సీఎం రేవంత్ రెడ్డి అభినందనలు

మాదకద్రవ్యాల మహమ్మారిని అరికట్టడం కేవలం పోలీసుల బాధ్యత మాత్రమే కాదని, యువత పెడదోవ పట్టకుండా కాపాడుకోవడం ప్రతి కుటుంబం, విద్యాసంస్థ, పౌరుడి సమిష్టి బాధ్యత అని ముఖ్యమంత్రి స్పష్టం చేశారు. సమాజంలో ప్రతి ఒక్కరూ బాధ్యతాయుతంగా వ్యవహరిస్తూ డ్రగ్స్ విక్రయాలు, వినియోగంపై సమాచారం ఉంటే వెంటనే అధికారులకు చేరవేయాలని పిలుపునిచ్చారు.

రాష్ట్రంలో సురక్షితమైన, ఆరోగ్యకరమైన వాతావరణాన్ని నెలకొల్పేందుకు ప్రభుత్వం కట్టుబడి ఉందని సీఎం పునరుద్ఘాటించారు. 2029 డిసెంబర్ నాటికి తెలంగాణను డ్రగ్స్ రహిత రాష్ట్రంగా తీర్చిదిద్దడమే ప్రభుత్వ లక్ష్యమని, ఆ దిశగా ఈగల్ ఫోర్స్ మరింత అంకితభావంతో, పటిష్టమైన కార్యాచరణతో ముందుకు సాగాలని దిశానిర్దేశం చేశారు.