బీజేపీ, బీఆర్ఎస్ పార్టీల దళిత వ్యతిరేక విధానాలకు నిరసన - కాంగ్రెస్ ధర్నా

తెలంగాణ శాసనసభ స్పీకర్ గడ్డం ప్రసాద్ పై అనుచిత వ్యాఖ్యలు చేసిన బీఆర్ఎస్ పార్టీ ఎమ్మెల్సీ తాత మధుపై తక్షణమే ఎస్సీ ఎస్టీ ఎస్సీ అట్రాసిటీ చట్టం కింద కేసు నమోదు చేయాలని డిమాండ్ చేశారు. ఈ ఘటనపై బీఆర్ఎస్ పార్టీ అధినేత కెసిఆర్ బహిరంగంగా క్షమాపణలు చెప్పాలని డిమాండ్ చేశారు. అదేవిధంగా ఉత్తరప్రదేశ్ లో కాంగ్రెస్ పార్టీ జాతీయ అధ్యక్షుడు మల్లికార్జున ఖర్గే సభ ముగిసిన అనంతరం సభా ప్రాంగణాన్ని శుద్ధి చేసి దళితులను అవమానించిన బిజెపి నేతలపై చట్టపరమైన చర్యలు తీసుకోవాలని, ఈ ఘటనపై ప్రధానమంత్రి నరేంద్ర మోడీ క్షమాపణ చెప్పాలని డిమాండ్ చేశారు. అలాగే ప్రభుత్వ అధికారులపై బీఆర్ఎస్ పార్టీ కార్యనిర్వాహక అధ్యక్షుడు కే రామారావు చేయి చేసుకున్న ఘటన అపార్టీ అహంకారానికి చట్టం పట్ల ఉన్న నిర్లక్ష్య ధోరణికి నిదర్శనమని విమర్శించారు. ప్రజాస్వామ్య విలువలను కాలరాస్తూ దళితులను, ప్రభుత్వ అధికారులను అవమానిస్తున్న ప్రజా వ్యతిరేక బీఆర్ఎస్ బిజెపి పార్టీలకు రాబోయే రోజుల్లో ప్రజలు తగిన బుద్ధి చెప్పాలని పిలుపునిచ్చారు. ఈ కార్యక్రమంలో మండల పార్టీ అధ్యక్షుడు పోశాల వెంకన్న గౌడ్, పట్టణ పార్టీ అధ్యక్షుడు ఈగ దామోదర్ అయినవోలు ఆలయ చైర్మన్ కమ్మగాని ప్రభాకర్ గౌడ్, మండల్ ఎస్సీ సెల్ అధ్యక్షుడు ప్రశాంత్ వివిధ గ్రామాల సర్పంచులు, మండల, పట్టణ నాయకులు, కార్యకర్తలు అనుబంధ సంఘాల నాయకులు యూత్ నాయకులు మహిళలు తదితరులు పాల్గొన్నారు.