ఎంజీఎం ఆసుపత్రిలో కలెక్టర్ డాక్టర్ సత్య శారద ఆకస్మిక తనిఖీ

ల్యాబ్‌ను తనిఖీ చేసిన జిల్లా కలెక్టర్, అక్కడ విధులు నిర్వహించే సిబ్బంది భద్రతా ప్రమాణాలను తప్పనిసరిగా పాటించాలని సూచించారు. ఐడి కార్డులు, మాస్కులు, చేతి గ్లౌజులు ధరించి జాగ్రత్తగా విధులు నిర్వహించాలని ఆదేశించారు. ల్యాబ్ మ్యానువాల్ స్లిప్స్ కాకుండా ఆన్లైన్ లో ప్రోగ్రామ్ రూపొందించి టెక్నాలజీ ఉపయోగించి పీషెట్స్ కి త్వరితగతిన సేవలు అందించాలని జిల్లా కలెక్టర్ సూచించారు.

ఎంజీఎం ఆసుపత్రికి వచ్చే రోగులకు నాణ్యమైన వైద్య సేవలు అందించేందుకు వైద్యులు, సిబ్బంది సమన్వయంతో కృషి చేయాలని కలెక్టర్ సూచించారు. ఆసుపత్రి పరిపాలనా వ్యవస్థ సక్రమంగా పనిచేసేలా పర్యవేక్షణను మరింత పటిష్టం చేయాలని ఆదేశించారు. ఎంజీఎం కి కుక్కలు రాకుండా జాగ్రత్తలు తీసుకోవాలి.. సెక్యూరిటీ గార్డ్స్ జాగ్రత్తగా నిబద్ధతతో విధులు నిర్వహించాలని జిల్లా కలెక్టర్ ఆదేశించారు.

ఈ ఆకస్మిక తనిఖీలో ఎంజీఎం సూపరింటెండెంట్ హరిచంద్ర రెడ్డి, జిల్లా వైద్య ఆరోగ్యశాఖ అధికారి రాజిరెడ్డి, డీబీసీడీవో పుష్పలత తదితరులు జిల్లా కలెక్టర్ వెంట ఉన్నారు.