అందరి భాగస్వామ్యంతోనే వికసిత్ భారత్ సాధన: ప్రధాని మోదీ

గత 12 సంవత్సరాలలో దేశంలోని గ్రామాలు, పట్టణాల మధ్య వ్యత్యాసం గణనీయంగా తగ్గిందని ప్రధాని మోదీ తెలిపారు. ప్రస్తుతం గ్రామాలలో మౌలిక వసతులు మెరుగుపడ్డాయని, దేశంలోని మహిళలలో స్వయం సమృద్ధి పెరిగిందని వెల్లడించారు. పండిట్ దీనదయాల్ ఉపాధ్యాయ జన్మదినం సందర్భంగా ఆయన చూపిన సేవ, సమతుల్యత, సహనం, సమన్వయం, సానుకూలత, సున్నితత్వం, సంభాషణ అనే ఏడు సూత్రాలను గుర్తుచేశారు. ఈ మార్గంలో నడవడాన్ని ప్రతి కార్యకర్త గర్వంగా భావిస్తారని తెలిపారు.

ఈ వర్చువల్ సంభాషణ సందర్భంగా యాత్రికులు తమ ప్రయాణ అనుభవాలను ప్రధానితో పంచుకున్నారు. యాత్రలో ఎదురైన అనుభవాలను ప్రతి ఒక్కరూ డైరీలో నమోదు చేసుకోవాలని ప్రధాని సూచించారు. దేశ అభివృద్ధికి ప్రతి పౌరుడు తన వంతు బాధ్యత నిర్వర్తించాలని పిలుపునిచ్చారు.