వరుస బైక్ దొంగతనాలకు స్వస్తి.. నరసరావుపేట 1వ పట్టణ పోలీసుల ఘనత

పోలీసుల విచారణలో నిందితుడు 2026 మార్చి నుంచి ఆగస్టు వరకు నరసరావుపేట పట్టణంలోని వివిధ ప్రాంతాల్లో పార్క్ చేసిన మోటార్ సైకిళ్లను దొంగిలించినట్లు వెల్లడించినట్లు పోలీసులు తెలిపారు. నిందితుడు ఇచ్చిన సమాచారం మేరకు పోలీసులు మొత్తం 22 మోటార్ సైకిళ్లను స్వాధీనం చేసుకున్నారు.

అరెస్టైన మణికంఠపై నరసరావుపేట 1వ పట్టణ పోలీస్ స్టేషన్‌లో 12 కేసులు, 2వ పట్టణ పోలీస్ స్టేషన్‌లో ఒక కేసు నమోదై ఉన్నట్లు పోలీసులు తెలిపారు. మొత్తంగా 13 మోటార్ సైకిల్ దొంగతనం కేసుల్లో అతను నిందితుడిగా గుర్తించబడ్డాడు. ఈ కేసులు భారతీయ న్యాయ సంహిత (బీఎన్‌ఎస్) సెక్షన్ 303(2) కింద నమోదయ్యాయి.

ఈ కేసు ఛేదనలో ఎస్‌ఐ పి. వంశీకృష్ణ, పీసీఎస్ రాము, మురళీకృష్ణ, వీరాంజనేయులు, కోటేశ్వరరావు తదితరులు కీలకంగా వ్యవహరించారు.

ప్రజలు తమ వాహనాలను పార్క్ చేసే సమయంలో హ్యాండిల్ లాక్‌తో పాటు అదనపు భద్రతా చర్యలు తీసుకోవాలని పోలీసులు సూచించారు. అనుమానాస్పద వ్యక్తులు లేదా వాహనాలు కనిపించిన వెంటనే పోలీసులకు సమాచారం అందించాలని కోరారు.

22 మోటార్ సైకిళ్లను స్వాధీనం చేసుకుని వరుస దొంగతనాల కేసును ఛేదించిన నరసరావుపేట 1వ పట్టణ పోలీస్ సిబ్బందిని డీఎస్పీ ఎం. హనుమంతరావుతో పాటు పల్నాడు జిల్లా ఎస్పీ ప్రత్యేకంగా అభినందించారు.