ఇచ్చిన వాగ్ధానాన్ని నెరెవేర్చాం: మంత్రి పొంగులేటి శ్రీనివాస్ రెడ్డి

గతంలో తుంగతుర్తి నియోజకవర్గ పర్యటన సందర్భంగా ఈ భూసమస్యను స్థానిక ఎమ్మెల్యే మందుల సామెల్, రైతులు నాదగ్గరికి తీసుకువచ్చారు. దశాబ్దాల కాలం మరియు ప్రత్యేక రాష్ట్రంలో కూడ వారికి న్యాయం జరగలేదని న్యాయ బద్ధంగా కొన్న భూమి తమ అవసరాల కోసం ఉపయోగపడకుండా పోతుంది, కష్టాల్లో ఆదుకునే ఆస్తి కష్టాలను తెచ్చిపెడుతుందిని వారు ఆవేదన వ్యక్తం చేశారు. అప్పుడు వారికి సమస్యను ఖచ్చితంగా తీర్చిపెడ్తానని, స్వయంగా నేనే వచ్చి పట్టాలిస్తానని హామీ ఇవ్వడం జరిగింది. వారికి ఇచ్చిన హామీ మేరకు భూభారతిలో భాగంగా అధికార యంత్రాంగంతో సమగ్రంగా సర్వే చేపించి, సమస్యను అధిగమించి ఈ రోజు ఆ రైతులకు అధికారికంగా పట్టా పాసుబుక్కులు ఇవ్వడం జరిగిందని అన్నారు.
ఆ రైతుల కళ్లల్లో ఆనందం చూసినప్పుడు ఒక విషయం అనిపించింది. మనం చేసే పని బట్టే ప్రజలు మనల్ని ఆదరిస్తారు, అభిమానిస్తారు అని. అధికారం ఉండటం గొప్పతనం కాదు.. ఆ అధికారాన్ని సామాన్యుల సమస్యలు తీర్చేందుకు, వారి జీవితాల్లో మార్పు తీసుకొచ్చేందుకు చిత్తశుద్ధితో ఉపయోగించడమే అసలైన గొప్పతనం.
ప్రజల కష్టాలను అర్థం చేసుకుని.. వారికి అండగా నిలబడి.. వారి సమస్యలకు పరిష్కారం చూపినప్పుడే మన బాధ్యతకు నిజమైన అర్థం ఉంటుంది. ఈ సందర్భంగా గతంలో జెన్నారెడ్డి కుటుంబం దగ్గర పేద రైతులు కొనుకున్న భూమి ల్యాండ్ సీలింగ్ యాక్ట్ లోబడి సమస్యగా మారినప్పుడు..సమస్యను పరిష్కరించడంలో చొరవ చూపినందుకు జెన్నారెడ్డి సుధీర్ రెడ్డి కుమారుడు జెన్నారెడ్డి వివేక్ రెడ్డి ని రైతుల పక్షాన, ప్రభుత్వం పక్షాన సత్కరించడం జరిగింది.
ఈ కార్యక్రమంలో ఎంపీ చామల కిరణ్ కుమార్ రెడ్డిరు, స్థానిక శాసన సభ్యులు మందుల సామేల్, రెవెన్యూ శాఖ ఉన్నతాధికారులు, రైతులు, భూయజమానులు, పెద్ద ఎత్తున ప్రజలు పాల్గొన్నారు.