ముగిసిన భారత్-జపాన్ సంయుక్త వైమానిక విన్యాసాలు 'వీర్ గార్డియన్ 2026'

ఈ సంయుక్త విన్యాసాలలో భారత వైమానిక దళం సుఖోయ్-30 ఎంకేఐ, రఫేల్, స్వదేశీ పరిజ్ఞానంతో రూపొందించిన తేలికపాటి యుద్ధ విమానం తేజస్‌లను మోహరించింది. జపాన్ వైమానిక దళం తమ అధునాతన ఎఫ్-2ఏ యుద్ధ విమానాలతో పాల్గొంది. 14 రోజుల పాటు సాగిన ఈ సంయుక్త శిక్షణలో ఇరు దేశాల దళాలు విజువల్-రేంజ్ పోరాటాలు, సమన్వయంతో కూడిన బహుళ విమాన మిషన్లు సహా పలు రకాల సంక్లిష్ట ఎగిరే విన్యాసాలను విజయవంతంగా నిర్వహించాయి.

ఇరు దేశాల వైమానిక దళాల మధ్య వృత్తిపరమైన సహకారానికి ఈ విన్యాసాలు నిదర్శనంగా నిలిచాయని రక్షణ మంత్రిత్వ శాఖ పేర్కొంది. ఈ తరహా ద్వైపాక్షిక భాగస్వామ్యం భారత్-జపాన్ దేశాల మధ్య రక్షణ సంబంధాలకు వ్యూహాత్మక విస్తృతిని చేకూర్చడంతో పాటు భవిష్యత్ కార్యాచరణకు బలమైన పునాది వేస్తుందని స్పష్టం చేసింది.