పెన్షన్ల మంజూరులో జాప్యంపై డీఆర్డీఏ పీడీకి వినతి పత్రం సమర్పించిన బీఆర్ఎస్ నాయకులు

నియోజకవర్గ వ్యాప్తంగా దరఖాస్తు చేసుకున్న సుమారు 21 వేల మంది అర్హులకు ఎలాంటి షరతులు లేకుండా పెన్షన్లు మంజూరు చేయాలని డిమాండ్ చేశారు. ఎన్నికల్లో కాంగ్రెస్ ఇచ్చిన హామీ మేరకు ఆసరా పెన్షన్‌ను రూ.4,000లకు, వికలాంగుల పెన్షన్‌ను రూ.6,000లకు పెంచాలని, బకాయి పడ్డ రూ.66,000లను వెంటనే విడుదల చేయాలని కోరారు.

గత బీఆర్ఎస్ హయాంలో దివంగత నేత పెద్ది సుదర్శన్ రెడ్డి చొరవతో వేలాది మందికి పెన్షన్లు అందాయని, కాంగ్రెస్ ప్రభుత్వం అధికారంలోకి వచ్చి మూడేళ్లు కావస్తున్నా హామీలు నెరవేర్చలేదని విమర్శించారు. ప్రభుత్వం స్పందించి అర్హులందరికీ పెన్షన్లు మంజూరు చేయకపోతే పెద్ద ఎత్తున ఆందోళనలు చేపడతామని హెచ్చరించారు.

ఈ కార్యక్రమంలో ఖానాపురం సర్పంచ్ దాసరి రమేష్, బీఆర్ఎస్ పార్టీ నాయకులు వల్లెపు శ్రీనివాస్, పులిగిల్ల యాదగిరి, బుస అశోక్ తదితరులు పాల్గొన్నారు.