ఇస్రోకు ప్రధానమంత్రి మోదీ అభినందనలు

భారత అంతరిక్ష పరిశోధనా సంస్థ ఇస్రో మరో ఘనత సాధించింది. జీఎస్ఎల్వీ-ఎఫ్17 రాకెట్ ద్వారా నింగిలోకి పంపిన అధునాతన ఎర్త్ అబ్జర్వేషన్ శాటిలైట్ 'ఈఓఎస్-05' ప్రయోగం విజయవంతమైంది. శ్రీహరికోటలోని సతీష్ ధావన్ స్పేస్ సెంటర్ రెండో ప్రయోగ వేదిక నుంచి ఈ రాకెట్ నింగిలోకి దూసుకెళ్లింది. ఈ విజయంతో జియో ఆర్బిట్ నుంచి మన దేశానికి సంబంధించి తొలిసారిగా ఒక ఇమేజింగ్ శాటిలైట్ సేవలు అందుబాటులోకి రానున్నాయి. ఈ ప్రయోగంపై ప్రధాని నరేంద్ర మోదీ హర్షం వ్యక్తం చేశారు.
ఇస్రో శాస్త్రవేత్తలకు అభినందనలు తెలుపుతూ.. ఇది దేశానికే ఎంతో గర్వకారణమైన క్షణమని ఎక్స్ వేదికగా పేర్కొన్నారు. మన దేశ అంతరిక్ష రంగం సాధిస్తున్న అద్భుతమైన ప్రగతికి, నూతన ఆవిష్కరణలకు ఈ ప్రయోగం నిదర్శనమని ప్రధాని కొనియాడారు. ఇస్రోతో పాటు మన దేశంలోని ప్రైవేట్ పరిశ్రమలు కలిసి పనిచేస్తుండటం వల్ల మన అంతరిక్ష కార్యక్రమానికి మరింత బలం చేకూరుతోందని తెలిపారు.